قصة مخيفة عني

انا صغير تقريبا عمري 12 او 13 سنه كنا انا واخواني نحب افلام الرعب وكنا نسهر بالليل كل اسبوع تقريبا على ارعب فلم بالسوق ومتعودين نطفي الانوار ونشغل الفيديو وذاك اليوم تفرجنا على فلم رعب واخواني الاثنين ناموا قبل ينتهي الفلم .... انتهى الفلم وبدات تظهر الكاست اللي فيه اسماء الممثلين وانا خايف اطفي التلفزيون لان بعدها صمت يخوف وبنفس الوقت خايف اني اتركه على حاله فيوقف الفيديو واسمع صوت التشويش المرعب اللي يحصل بالتلفزيونات القديمه وايضا وبنفس الوقت احتاج اروح دورة المياه وخايف من الطريق الى دورة المياه لايطلع لي فيه شي المهم بقيت على وضعي اشوف اسماء الممثلين ..... وفجأه
سمعت حركه خارج الغرفه وكان باب الغرفه مرتفع شويه عن الارض فرحت قلت هذي اكيد امي او ابوي جوا يشيكوا على وضعنا وبستغل الفرصه وبروح دورة المياه ومنتظر ان واحد منهم يدخل ويفتح الباب بس ماحد دخل .
شويه والقى اقدام واقفه امام الباب مباشره ولكن مافتح الباب استغربت وخوفت شوي وقربت اركز بعيوني ... هذي اقدام امي والا اقدام ابوي وقربت كثير لمسافة متر متبقيه بيني وبين الباب واتضحت الاقدام واضحه امامي لم تكن اقدام ابي ولا امي بل اقدام ليست بشريه لان الاصابع فيها طويييييله جدا ومتجعده بشكل غريب ومرعب ويتحرك امامي ولاني شخص منطقي لا اقبل ان اتوهم لم اصرخ ولكن نظرت بتركيز اكبر لاتاكد مما اراه فاذا بالاقدام تتباعد عن بعضها وتظهر عين في وسطها
قمة الرعب قمة الخوف وبدات بصرخه يمكن اخر واحد بالحاره سمعني
وسمعت هالمخلوق يكلمني بصوت قوي ويقول ( انت للحين مانمت )

لاكتشف ان الاقدام لم تكن اقدام
بل ايدي جدتي ( رحمها الله ) وهي تتكيء على الارض بعد ان اصابها الفضول لرؤية مايحدث داخل الغرفه
طبعا ابوي وامي صحيوا وجوا بسرعه خير خير و قلتلهم القصه ورجعوا يناموا وانا انتظرت الفجر
  

  
تقييمكم و ردودوكم بليز